Dil Abhi Tak Jawaan Hai Pyare
Kis Musibat MeiN Jaan Hai Pyare
Tu Mere Haal Ka Khayal Na Kar
Is MeiN Bhi Ek Shaan Hai Pyare
Raat Kam Hai Na Chhed Hijra Ki Baat
Ye Badi Daastaan Hai Pyare
Talkh Kar Di Hai Zindagi Jis Ne
Kitni Meethi Zabaan Hai Pyare
Jaane Kya Kah Diya Tha Roz-E-Azal
Aaj Tak Imtihaan Hai Pyaare
Main Tujhe Be-Wafa NahiN Kahta
Dushmanon Ka Bayaan Hai Pyare
Saari Duniya Ko Hai Ghalat-Fehmi
Mujh Pe Tu Mehrabaan Hai Pyare.
No comments:
Post a Comment