Wo ik masoom si chaahat

Wo ik masoom si chaahat

Wo ik benaam si ulfat

Wo meri zaat ka hissa

Wo meri zeest ka qissa

Mujhe mehsoos hota hai

Wo mere paas hai ab bhi

Wo jab jab yaad ata hai

NigahoN me samata hai

Zuban khamosh hoti hai

Magar ye aankh roti hai

MaiN khud se poochh leta hooN

Usae kya pyaar hai mujhse

Jawaban soch leta hooN

Usay bhi pyar hai “SHAYAD”

Isi “SHAYAD” se wabsta hai

Ab to har khushi meri

Yahi ek lafz “SHAYAD”

Ban gaya hai zindagi meri...