Pehle to apne dil ki raza jaan jayiye
Fir jo nigah-e-yaar kahe maan jayiye,
Pehle mijaaz raah guzar jaan jayiye
Fir kard-e-raah jo bhi kahe maan jaayiye,
Kuchh keh rahi hai aapke seene ki dhadkane,
Mera nahi to dil ka kaha maan jayiye,
Ik dhoop si jami hai nigaahoN ke aas paas
Ye aap hain to aap pe qurbaan jayiye,
Shayad huzoor se koi nisbat hume bhi ho
AankhoN me jhaank kar hame pehchaan jayiye,
No comments:
Post a Comment