Kisi Ki Ankh Jo Purnam Nahi Hai
Na Samajho Ye Ke Us Ko Gam Nahi Hai
Savad-E-Dard Main Tanha Khada HooN
Palat Jaun Magar Mausam Nahi Hai
Samajh MaiN Kuch Nahi Ata Kisi Ke
Agarche Guftagu Mubham Nahi Hai
Sulagta KyuN Nahi Tareek Jangal
Talab Ki Lau Agar Maddham Nahi Hai
Ye Basti Hai Sitam Parvar Digar Ki
YahaN Koi Kisi Se Kam Nahi Hai
Kinara Doosra Dariya Ka Jaise
Wo Sathi Hai Magar Mahram Nahi Hai
DiloN Ki Raushni Bujhne Na Dena
Wajud-E-Tiragi Mahkam Nahi Hai
MaiN Tum Ko Chaah Kar Pachta Raha HooN
Koi Is Zakhm Ka Marham Nahi Hai
Jo Koi Sun Sake ?Amjad? To Suna Dena
Ba-Juz Ek Baz Gasht-E-Gam Nahi Hai
No comments:
Post a Comment