Mujhe Khud Se Hain ShikayteiN.....

Mujhe Khud Se HaiN ShikayteiN, Mujhe Zindagi Se Gilaa NaheeN,

Ke Jo Chaha Maine Wo Paa Liya, NaheeN Aisa Kuch Jo Mila NaheeN,

Mere Aas Paas Hai Roshni, Mere RaastoN MeiN Chirag HaiN,

Yeh Tere Karam Ka Hai Mojzaa, Meri Justuju Ka Silaa NaheeN,

 Teri Aankh Se Jo Haseen Ho, Wo Nigaah Jag MeiN Bani NaheeN,
Tere Rukh Ko Jis Se Misaal DooN, Koi Aisa Phool Khila NaheeN,

Ye Jo Teri Zulf Ka Hai Haashiya, Ye Jo Tera Chehra Hai Khush_numa,
Koi Raat Aesi Siyaah NahiN, Kisi Subaah MeiN Ye Jala NaheeN,

Yeh Jo Mehr-O-Maa Ki HaiN HaalteiN Ye Jo Aayino Ki Hai HairateiN,

HaiN Azzal Se Sab Ye Isi Tarah, Koi Apni Jagha Se Hila NaheeN.