Dil dhoondhta hai fir wahi fursat ke raat din

Dil dhoondhta hai fir wahi fursat ke raat din
Baithe rahe tasawwur-e-jaana kiye huye

Jaado ki narm dhoop aur aangan me let kar
AankhoN pe khinch kar tere daaman ke saaye ko
Aundhe pade rahe kabhi karwat liye huye

 

Dil dhoondhta hai fir wahi fursat ke raat din

Ya garmiyoN ki raat jo purwayiya chale
Thandi safed chaadaro pe jage der tak
TaaroN ko dekhate rahe chhat par pade huye

 

Dil dhoondhta hai fir wahi fursat ke raat din

 

Barfili sardiyo me kisi bhi pahaad par
Waadi me gunjti hui khamoshiyaN sune
AankhoN me bhige-bhige se lamhe liye huye

 

Dil dhoondhta hai fir wahi fursat ke raat din.