Koi samjhaaye ye kya rang hai maikhane ka,
Aankh saaki ki uthe naam ho paimane ka,
Garmi-e-shama ka afsana sunaane waloN,
Raks dekha nahiN tumne abhi parwaane ka,
Chasm-e-saaki mujhe har gaam pe yaad aati hai,
Raasta bhool na jaauN kahiN maikhane ka,
Abto har shaam guzarti hai usi kooche meiN,
Ye natija hua na se tere samjhane ka,
Manzil-e-gham se guzarna to hai aasaaN 'Iqbal',
Ishq hai naam khud apne se guzar jaane ka.
Lyrics: Allama Iqbal
Singer: Ghulam Ali
No comments:
Post a Comment