Tu kahiN bhi rahe, sar par tere ilzaam to hai
Tere haathoN ki lakeeroN meiN, mera naam to hai
Mujhko tu apna bana, ya na bana, teri khushi
Tu zamaane meiN mere naam se badnaam to hai
Mere hisse meiN koi jaam na aaya, na sahi
Teri mehfil meiN mere naam, koi shaam to hai
Dekh kar logg mujhe naam tera lete haiN
Ispe khush hooN, mohabbat ka ye anjaam to hai
Wo sitamgar hi sahi, dekh ke usko 'Sabir'
Shukr hai is dil-e-bimaar ko aaraam to hai.
.png)
No comments:
Post a Comment