Khumar Barabankvi Nice Urdu Ghazal

 

Wo savn yaad aaye bhulaane ke baad
Zindagi badh gayi zaher khaane ke baad

Dil sulagata raha aashiyaane ke baad
Aag Thandi huyi ik zamaane ke baad

Raushani ke liye ghar jalaana pada
Kaisi zulmat badhi tere jaane ke baad

Jab na kuchh ban pada arz-e-Gam ka jawaab
Wo Khafa ho gaye muskuraane ke baad

DushmanoN se pashemaaN hona pada hai
DostoN ka Khuloos aazamaane ke baad

BaKhsh de yaa rab ahal-e-hawas ko bahisht
Mujh ko kyaa chaahiye tum ko paane ke baad

Kaise kaise gile yaad aaye 'Khumar'
Unke aane se qabl unke jaane ke baad.

Ahbab jama haiN Meer haal-e-dil kehle,

Ahbab jama haiN Meer haal-e-dil kehle,
Phir iltefaat-e-dil-dostaaN rahe na rahe...

                                     Meer Taqi Meer

Na tum sadme hume dete, na yuN fariyaad hum karte

Na tum sadme hume dete, na yuN fariyaad hum karte,

Na khulte raaz-e-sar bastaa, na yuN ruswaaiyaaN hoti...

Ek taraf maiN hooN, Ek taraf tum ho,

Ek taraf maiN hooN, Ek taraf tum ho,
Jaane kis ne kise kharaab kiya...

                                          Jon Elia

Tum ne kaise bhula diya hum ko,

Tum ne kaise bhula diya hum ko,
Tum se hi mustaar the hum to...
                               Jon Elia

 

Tu hi bata ke teri khamoshi ko kya samjhooN,

 

Tu hi bata ke teri khamoshi ko kya samjhooN,
Teri nigaah se kuchh aashkaar bhi to nahiN...

                                      Nasir Kazmi

MaiN Chand LogoN Ke Chehre Hi Padh Saka HooN Qateel,

 

MaiN Chand LogoN Ke Chehre Hi Padh Saka HooN Qateel,
DiloN Ke Bhed To Mera Khuda Hi Janta Ha...

                               Qateel Shifai 

Dil Bharosa Jo Bahot Karne Laga Hai Us Par,

Dil Bharosa Jo Bahot Karne Laga Hai Us Par,
Mujh Ko Ek Roz Duboyea Sahara Mera...

                                           Wasi Shah

SamundaroN Ki Tarah Meri Aankh Saakat Hai,

SamundaroN Ki Tarah Meri Aankh Saakat Hai,
Magar Sukoot MeiN Kis Be Kali Ki Amaaizash...

                                                   Parveen Shakir

Guzar Gaye HaiN Jo Din Phir Na Ayeinge Hargiz,

Guzar Gaye HaiN Jo Din Phir Na Ayeinge Hargiz,
Ke Ek Chaal Falak Har Baras NahiN Chalta...

                                                   Daagh Dehlvi

Be Gharz Jao Jo Masjid MeiN To Ham Bhi JaneiN,

Be Gharz Jao Jo Masjid MeiN To Ham Bhi JaneiN,
Tum WahaN Jaate Ho Lekin Ksi Maqsad Ke Liye...

                                                  Qateel Shifai

Tu Jis Ke VaadoN Ko Dil Se Lagaye Baitha Hai,

Tu Jis Ke VaadoN Ko Dil Se Lagaye Baitha Hai,
Wo Apni Baat Se Pyaare Mukar Gaya Kab Ka...

                                              Wasi Shah

 

HameiN Deedar Se Mehroom Rakh Kar Hai Nazar Dil Par,

HameiN Deedar Se Mehroom Rakh Kar Hai Nazar Dil Par,
Paraya Maal Taako Aur Daulat Apni Rehne Do....


                                                                   Daagh Dehlvi

 

Tan Tan Ke Jo Chalta Hai, Wo Shoakh Kamaan Abroo,

 

Tan Tan Ke Jo Chalta Hai, Wo Shoakh Kamaan Abroo,
Ek Ek Se Kehta Hai, Hota Hai Shabab Aisa...

                                                          Daagh Dehlvi

 

Us Ke Dar Tak Kise Rasai Hai

 

Us Ke Dar Tak Kise Rasai Hai,
Wo Hi Jayega Jis Ki Aayi Hai...

                                           Daagh Dehlvi

 

 

Jis Ke Dil Ko Dekhiye Tera Hai Ishq

Jis Ke Dil Ko Dekhiye Tera Hai Ishq
Jo Zubaan Hai Us Pe Tera Naam Hai

                                   Daagh Dehlvi

Haya Gar Munh Chhupati Hai Ada Parda Uthati Hai,

 

Haya Gar Munh Chhupati Hai Ada Parda Uthati Hai,
Ye Shokhi Kab Bithati Hai Qayamat Ho Hi Jaati Hai..

                                              Daagh Dehlvi

Pasand Aai Thi Jo Unko Wahi MaiN Baat Bhoola HooN

Pasand Aai Thi Jo Unko Wahi MaiN Baat Bhoola HooN,
Ab Ek Ek Harf Ko Uske Tarasti Hai ZubaaN Meri...

                           Daagh Dehlvi

Jo Hoti Khoobsurat To Na Chupti Qais Se Laila

Jo Hoti Khoobsurat To Na Chupti Qais Se Laila
 Magar Aise Hi Waise Pardah Muhmal MeiN Rehte HaiN

                                   Daagh Dehlvi

Dil Phatne Laga Hai Zabt-e-Gham Se,

  

Dil Phatne Laga Hai Zabt-e-Gham Se,
Maalik! Koi Dard Aashnaa De....

                               Parveen Shakir

Ham Jaan Se Jayeinge Tabhi Baat Banegi

 

 

Ham Jaan Se Jayeinge Tabhi Baat Banegi,
Tum Se To Koi Raah Nikali NahiN Jaati....

                                                         Wasi Shah

 

 

Kehte Ho Ke Bichhde Koi Muddat NahiN Guzre

Kehte Ho Ke Bichhde Koi Muddat NahiN Guzre,
Lagta Hai Kabhi Tum Ne Calendar NahiN Dekha...

                                           Wasi Shah

 

 

Yahi NahiN Ke HumeiN Tod Kar Gaya Hai Koi

Yahi NahiN Ke HumeiN Tod Kar Gaya Hai Koi,
USe Bhi Khud Ko Bahot Der Jodna Hoga...

              

Mohsin Naqvi

Dil humara jazba-e-ghairat ko kho sakta nahiN,

Dil humara jazba-e-ghairat ko kho sakta nahiN,
Hum kisi ke saamne jhuk jayeiN, ho sakta nahiN.

                                            Josh Malihabadi

Qasam hai Aap ke har roz rooth jaane ki,

Qasam hai Aap ke har roz rooth jaane ki,
Ke ab hawas hai, ajal ko gale lagane ki...

                                                   Josh Mlihabadi

Aapki Yaad Aati rahi Raat bhar_Ghazal

Qateel Shifai Urdu Potry

Chaaye haiN un reshmi julfoN ke baadal mere samne,
Ek ghazal hai meri zabaaN par, ek ghazal mere saamne... 

                                          Qateel Shifai

Qateel Shifai urdu Shayari

Chaaye haiN un reshmi julfoN ke baadal mere samne,
Ek ghazal hai meri zabaaN par, ek ghazal mere saamne... 

                                          Qateel Shifai

Jab Koi Baat Bigad Jaaye Jab Koi Mushkil Pad Jaaye

Jab Koi Baat Bigad Jaaye Jab Koi Mushkil Pad Jaaye

Tum Dena Saath Mera O Humnawaaz

Na Koi Hai Na Koi Tha Zindage Mein Tumhaare Siva

Tum Dena Saath Mera O Humnawaaz

Ho Chaandni Jab Tak Raat Deta Hai Har Koi Saath

Tum Magar AndheroN MeiN Na Chhodna Mera Haath

Jab Koi Baat Bigad Jaaye ....

Wafadaari Ki Vo RasmeiN Nibhayenge Hum Tum KasmeiN

Ek Bhi Saans Zindagi Ki Jab Tak Ho Apne Bas MeiN

Jab Koi Baat Bigad Jaaye ...

Dil Ko Mere Hua YakeeN Hum Pehle Bhi Mile KahiN

Silsila Ye SadiyoN Ka Koi Aaj Ki Baat NahiN

Jab Koi Baat Bigad Jaaye...