Wo be sabab haiN khafa mujhse..

Wo be  sabab haiN khafa mujhse, kya kahooN 'Hasrat',
 Mujhe to yaad nahi hai koi qusoor ki baat...

 

 

 

 

 

 

Halaat bataayeiN kya tum ko hum

Halaat bataayeiN kya tum ko hum,
 Halaat se ladte rehte haiN..

 

 

Us waqt intizaar ka aalam na poochiye

Us waqt intizaar ka aalam na poochiye,
 Jab koi baar baar kahe, aa raha hooN maiN...

 

 

Aaye to yuuN ke jaise hamesha the meherbaaN

Aaye to yuuN ke jaise hamesha the meherbaaN,
 Bhoole to yuuN ke goya kabhi aashnaa na the..

Bhulata laakh hooN lekin barabar yaad aate haiN

Bhulata laakh hooN lekin barabar yaad aate haiN
Ilaahi tark-e-ulfat per wo kyunkar yaad aate haiN...

                                                                          Hasrat Mohani

 

 

Kaise chhupaooN raaz e gham deeda e tar ko kya karooN

Kaise chhupaooN raaz e gham deeda e tar ko kya karooN
Dil ki tapish ko kya kahuN soz e jigar ko kya karooN...

 

                                                     Hasrat Mohani

Griftar-e-muhabbat hooN

Griftar-e-muhabbat hooN, aseer e daam e ulfat hooN
MaiN ruswa-e-jahan e aarzoo hooN, yaani "Hasrat" hooN...

 

 

Zindagi jab bhi teri bazm mein laati hai humeiN

Zindagi jab bhi teri bazm meiN laati hai humeiN

 Ye zamiN chaand se behtar nazar aati hai humeiN
 

Surkh phooloN se mehak uthati haiN dil ki raheiN

Din dhale yuuN teri aawaaz bulaati hai humeiN

 

Yaad teri kabhi dastak kabhi saragoshi se

Raat ke pichhale pahar roz jagaati hai humeiN

Har mulaqat ka anjaam judai kyuN hai

Abto har waqt yahi baat sataati hai humeiN

 

 

Abhi aaye abhi baithe abhi daaman sambhala hai

Abhi aaye abhi baithe abhi daaman sambhala hai,
Tumhari jaauN jaauN ne humara dum nikala hai..

 

 

MeherbaaN hoke bula lo mujhe--Ghalib

MeherbaaN hoke bula lo mujhe chaaho jis waqt
MaiN gaya waqt nahi hoon ke fir aa bhi na sakooN

Zauf meiN taana-e-aghayaar ka shikawa kya hai ?
Baat kuchh sar to nahi hai ke utha bhi na sakooN

Zehar milta hi nahi mujhko sitamgar, warna
Kya qasam hai tere milne ki, ke kha bhi na sakooN

                                                                              Ghalib

 

Na milne Ki qasam Kha Ke Bhi, Maine...

Na milne Ki qasam Kha Ke Bhi, Maine
 Tujhe Har Raah MeiN dhunda bohut Hai...

 

 

 

Is Gohar-e-Nayaab Ko Tha Khaak MeiNn Milna

Is Gohar-e-Nayaab Ko Tha Khaak MeiNn Milna,
Tapka Jo Zameen Par To Na Aansoo Nazar Aaya...

 

                                                                             Daagh Dehlvi

 

 

 

Yaad haiN sare wo aish-e-ba faraghat ke maze

Yaad haiN sare wo aish-e-ba faraghat ke maze,
Dil abhi bhula nahi aghaaz-e-ulfat ke maze...

 

                                                                                                 Hasarat Mohani

 

 

 

Lo Aiye But'to Suno

Lo Aiye But'to Suno Woh 'Daagh; Sanam parast
Masjid MeiN Jaa K Aaj Musalmaan Ho Gaye...

 

 

 

Ab koi aarzuu nahi hai baaki

Ab koi aarzuu nahi hai baaki,
 Justujuu meri aakhri tum the...

Daagh Dehlvi Romantic Shayari

Bhare Bhare Tere Baazoo Bhare Bhare Tere Gaal,
Jo Daikhe Koi To Phir KyuN Na Dum Bhare Tera ...

                                                          Daagh Dehlvi

 

 

 

 

Dawa-e-Ulfat pa Mere Us Sitam Gar Ne Kahae

Dawa-e-Ulfat pa Mere Us Sitam Gar Ne Kahae,
Chahne Waale MileiN Ge Tujh Se Behtaire Mujhe ...

 

                                                                                                  Daagh Dehlvi

Ye hum hi haiN jo qasr-e-yaar se roz

Ye hum hi haiN jo qasr-e-yaar se roz,
Be kahtar aake bekhabar jayeiN...

Jiss tarah se badli haiN haath ki lakeeeraiN Nasir

 

Jiss tarah se badli haiN haath ki lakeeeraiN 'Nasir',
 Mausam ko bhi iss tarah maine badalte nahiN dekhaa...

 

 

 

Aql se hasil hui kya kya pashemani mujhe

Aql se hasil hui kya kya pashemani mujhe,
Ishq jab dene laga taleem-e-nadaani mujhe...

 

                                                                     Hasarat Mohani

 

 

 

Daagh KyuN Dil Ko Raaz Daar Kiya

 

'Daagh' KyuN Dil Ko Raaz Daar Kiya,
Bhed Deta Hai Koi Dushman Ko ...

 

 

 

Muhabbat rog hoti hai, kaha bhi tha

Muhabbat rog hoti hai, kaha bhi tha,
 Rulaa ke khud bhi roti hai, kaha bhi tha,

 

Tum use dil ki dharti ka pata mat dena,
 Ye is me dard boti hai, kaha bhi tha,

 

Azal se is ki aadat hai, rulaate rehna,
 Zamane ko jagaa ke aap soti hai, kaha bhi tha..

Naasih Ne Mera Haal Jo Mujh Se BayaaN Kiya

Naasih Ne Mera Haal Jo Mujh Se BayaaN Kiya
Aansoo Nikal Pade Mere Be-Ikhtiyaar Aaj...

 

                                                         Daagh Dehlvi

 

MaiN To Marta HooN Wo Ye Kehte HaiN

MaiN To Marta HooN Wo Ye Kehte HaiN
 Achcha Khaasa Hai  Bhala Changa Hai...

 

                              Daagh Dehlvi

Aiye "Daagh" Kaya BataeiN Muhabbat MeiN Kaya Hua

Aiye "Daagh" Kaya BataeiN Muhabbat MeiN Kaya Hua,
Baithe Bithaye Jaan Ko Azaar Ho Gaya ...

                                                               Daagh Dehlvi

 

 

 

 

Hasrat Mohani Two Line Shayari

Kabhi ki thi , jo ab dawa kije ga?
 Mujhe pooch kar aap kya kije ga ...  

                                                 Hasrat Mohani

Diya hai thokroN ne sambhalne ka hausla

Diya hai thokroN ne sambhalne ka hausla,
 Har haadsa khayal ko gehraai de geya..

 

 

 

 

Meri chaahat ka takaaza na nibhaane waale

Meri chaahat ka takaaza na nibhaane waale,
 Kitne be-dard haiN ye log zamane waale,

 

Koi apna nahiN, matlab ki hai ye duniya saari,
 Ab kahaN milte haiN wo log puraane waale,

 

MaiN dua’go hooN sadaa neendeiN mubarwk tujjhko,
 Hijr ka dard hume de ke jagaane waale,

 

Bas ye soch ke har baar manaata hooN tujhe,
 Laut ke aate nahiN rooth ke jaane waale,

 

Humare seene meiN jhaank ke dekho to zara,
 Kitne afsurda haiN auroN ko hasaane waale..

Bas ye soch ke har baar manaata hooN tujhe...

Bas ye soch ke har baar manaata hooN tujhe,
 Laut ke aate nahiN rooth ke jaane waale...

Kise Muhabbat KaruN Bahot Ghareeb HooN 'Mohsin'

Kise Muhabbat KaruN Bahot Ghareeb HooN 'Mohsin',
Log Bikte HaiN YahaaN Mere Khareedne Ki Auqaat Nahi....

 

 

 

 

Itna asaan nahiN tha mujhko bhulana

Itna asaan nahiN tha mujhko bhulana,
 Ussne khud ko ganwaa diya hoga..

 

 

 

 

Koi apna nahiN, matlab ki hai ye duniya saari

Koi apna nahiN, matlab ki hai ye duniya saari,
 Ab kahaN milte haiN wo log puraane waale...

 

 

 

Hum Aah Bhi Bharte HaiN To ...

Hum Aah Bhi Bharte HaiN To Ho Jaate HaiN Badnaam,
 Wo Qattel Bhi Karte HaiN To Charcha NahiN Hota...

 

 

 

Hasrat Mohani Shayari

Hum qaul ke sadiq haiN agar jaan bhi jaati,
 Wallah kabhi khidmat-e-Angrez na karte...

 

 

Hasrat Mohani 2 Line Shayari

 

Badi dargaah ka saael hooN "Hasrat"
Badi umeed hai meri, bada dil...

 

 

Wo husn ke malik haiN-- Hasrat Mohani

Wo husn ke malik haiN, jafa thi unheiN jaayez
MaiN banda-e-khooban hooN wafa mere liye hai...

 

 

                                                              Hasrat Mohani

 

 

 

Jo Aala-ZarF Hote HaiN--Iqbal

Jo Aala-ZarF Hote HaiN Humesha Jhuk Ke Milte HaiN,
Suraahi Sar-NiguN Ho Kar Bhara Karti Hai Paimaana...

 

                                                 Allama Iqbal

 

 

Na Hawas Uske Jism Ki--

Na Hawas Uske Jism Ki Na Shauq Uski Lazzat Ka 'Mohsin',
Bin Matlabi Sa Banda HooN Uski Sadgi Pe Marta HooN...

 

                                                                    Mohsin Naqvi

 

 

2 Line Romantic Shayari

Itni Kashish To Ho Nigah-e-ZauQ MeiN SaaQi,
Idhar Dil MeiN Khayal Aaye, Udhar Wo Be-Qaraar Ho JaayeiN...

 

 

 

Tum Itna Jo Muskura Rahe Ho-Jagjit Singh

Tum Itna Jo Muskura Rahe Ho
 Kya Gham Hai Jisko Chhupa Rahe Ho
 

Aankhon MeiN Nami, Hansi LaboN Par
 Kya gham hai jisko chhupa rahe ho

Ban Jayeinge Zehar Peete Peete
 Yeh Ashk Jo Pite Ja Rahe Ho

Jin ZakhmoN Ko Waqt Bhar Chala Hai
 Tum KyoN Unhe Chhede Ja Rahe Ho

 Kya gham hai jisko chhupa rahe ho

RekhaoN Ka Khel Hai Muqaddar

 RekhaoN Se Maat Kha Rahe Ho
 Kya gham hai jisko chhupa rahe

 

 

Ab To Bas Ek Hi Khwahish Hai ..

Ab To Bas Ek Hi Khwahish Hai Kisi Mod Par Tum ,
Humko Bikhre Huye Mil Jao SambhaleiN Tumko....

 

 

Jab Se Tum Bichhde Ho Tab Se

Jab Se Tum Bichhde Ho Tab Se
Aadha Chaand Agar DekhoooN To
Meri AankheiN Bhar Aati HaiN...

 

                                                   Wasi Shah

 

 

Maan lo tumbhi aazmana nahiN--Wasi Shah

Maan lo tumbhi aazmana nahiN
Dil kabhi bhi kisi ki maana nahiN

Us gali ki Hai har khabar pe nazar
Ye alag baat aana jaan nahiN

JyoN jyoN hum jaante gaye TyoN tyoN
Yahi jaana ki kuchh bhi Jaana nahiN,

Ek khane meiN rehte haiN,
Doosra dil meiN koi khana nahiN,

Phaila aaj ho rahe ga 'Wasi',
Ya to Dedaar ya deewana nahiN.

Yeh Hunar Aap Hi Ne Sikhlaya

 Ye Hunar Aap Hi Ne Sikhlaya,
Jo Bhula De Use Bhula Dena...

 

 

 

Tum kadi dhoop ka safar nahi sahi-- Wasi Shah

Tum kadi dhoop ka safar nahi sahi
HaaN Magar Saibaan NahiN Ho Tum...

 

 

JyoN JyoN hum Jaante Gaye --Wasi Shah

JyoN JyoN hum Jaante Gaye TyoN TyoN,
Yahi Jaana Ke Kuchh Bhi Jaana NahiN...

 

 

 

AankhoN Se Meri is Liye Laali NahiN Jaati

 

AankhoN Se Meri is Liye Laali NahiN Jaati,
YaadoN Se Koi Raat Jo Khaali NahiN Jaati...

Dil dhoondhta hai fir wahi fursat ke raat din

Dil dhoondhta hai fir wahi fursat ke raat din
Baithe rahe tasawwur-e-jaana kiye huye

Jaado ki narm dhoop aur aangan me let kar
AankhoN pe khinch kar tere daaman ke saaye ko
Aundhe pade rahe kabhi karwat liye huye

 

Dil dhoondhta hai fir wahi fursat ke raat din

Ya garmiyoN ki raat jo purwayiya chale
Thandi safed chaadaro pe jage der tak
TaaroN ko dekhate rahe chhat par pade huye

 

Dil dhoondhta hai fir wahi fursat ke raat din

 

Barfili sardiyo me kisi bhi pahaad par
Waadi me gunjti hui khamoshiyaN sune
AankhoN me bhige-bhige se lamhe liye huye

 

Dil dhoondhta hai fir wahi fursat ke raat din.

 

 

 

Tum mujhe bhool bhi jaao to ye haq hai tumako-Lyrics

Tum mujhe bhool bhi jaao to ye haq hai tumako
 Meri baat aur hai maine to muhabbat ki hai

Mere dil ki mere jazbaat ki keemat kya hai
 Ulajhe-ulajhe se khyaalaat ki keemat kya hai

 Maine kyuN pyaar kiya tumne na kyuN pyaar kiya
 In pareshaan savaalaat ki keemat kya hai

 Tum jo ye bhi na batao to ye haq hai tumako

Zindagi sirf muhabbat nahi kuchh aur bhi hai

 Zulf-o-rukasar ki jannat nahi kuchh aur bhi hai
 Bhukh aur pyaas ki maari hui is duniya meiN

 Ishq hi ek haqeekat nahi kuchh aur bhi hai
 Tum agar aankh churao to ye haq hai tumako

 Maine tumase hi nahi sabase muhabbat ki hai

Tumako duniya ke gam-o-dard se furasat naa sahi

 Sabase ulafat sahi mujhase hi muhabbat na sahi
 Mai tumhari hooN yahi mere liye kya kam hai

 Tum mere hoke raho ye meri qismat na sahi
 Aur bhi dil ko jalao ye haq hai tumako
 Meri baat aur hai maine to muhabbat ki hai.

Tum mujhe bhool bhi jaao to ye haq hai tumako...

 

 

 

Tum mujhe bhool bhi jaao to ye haq hai tumako

 Meri baat aur hai maine to muhabbat ki hai...

 

 

 

 

Firaq Gorakhpuri Ghazal

Ab Aksar Chup-Chup Se Rahe HaiN YuuN Hi Kabahu Lab Khole HaiN

 

Pehle “Firaq” Ko Dekha Hota Ab To Bahut Kam Bole HaiN

 

 

 

 

Din MeiN Hum Ko Dekhne Waalo Apne Apne HaiN Auqaat

 

Jaao Na Tum In Khusk AankhoN Par Hum RaatoN Ko Ro Le HaiN

 

 

 

 

Fitrat Meri Ishq-O-Mohabbat Kismat Meri Tanhaai

 

Kahane Ki Naubat Hi Na Aayi Hum Bhi Kasu Ke Hole HaiN

 

 

 

 

Baag MeiN Wo Khwaab-Aavar Aalam Mauj-E-Sabaa Ke IshaaroN Par

 

Daali Daali Nauras Patte Sahas Sahaj Jab Dole HaiN

 

 

 

 

Uf Wo LaboN Par Mauj-E-Tabassum Jaise Karavatein Len KaundeiN

 

Haay Wo Aalam Jumbish-E-Mizagaan Jab Fitne Par Tole HaiN

 

 

 

 

In RaatoN Ko Harim-E-Naaz Kaa Ik Aalam Hoye Hai Nadiim

 

Khalvat MeiN Wo Narm Ungaliyaan Band-E-Qabaa Jab Khole HaiN

 

 

 

 

Gham Ka Fasaana Sunane Waalo Aakhir-E-Shab Aaraam Karo

 

Kal Ye Kahaani Phir Chhedenge Hum Bhi Zara Ab So Le HaiN

 

 

 

 

Hum Log Ab To Paraaye Se HaiN Kuchh To Bataao Haal-E-”Firaq”

 

Ab To Tumhi Ko Pyaar Kare HaiN Ab To Tumhi Se Bole HaiN.

Firaq Gorakhpuri Two Line Shayari

Aaj kaisi hawa chali aiye 'Firaq'

Aankh beikhtiyaar bhar aai,

 

 

Firaq Gorakhpuri 2 Line Shayari

KahaaN wo khalwateiN din raat ki aur ab ye alam hai,

 

Ki jab milte haiN dil kehta hai, koi teesra hota...

 

 

 

 

Firaq Gorakhpuri Shayari

Apna gham kis tarah bayaaN karooN ,

 

Aag lag jaayegi is zamane meiN...