Mujh ko shikwa hai mere bhai ke tum jaate huye,
Le gaye saath meri umr-e ghuzishta ki kitaab,
Is meiN to meri bahut qeemti tusweerien thiN,
Is meiN bachpan tha mera, aur mera ahed-e shabab,
Is ke badle mujhe tum de gaye jaate jaate,
Apne ghum ka ye dumakta hua khoon rang golaab,
Kya karooN bhai, ye aizaz meiN kyooN kar pehnooN,
Mujh se le lo meri sub chaak qamizooN ka hisaab,
Aakhri baar hai, lo maan lo ik ye bhi sawaal,
Aaj tak tum se maiN lauta nahiN mayoos-e jawaab,
Aa ke le jaao tum apna ye damakta hua phool,
Mujh ko lauta do meri umr-e ghazishta ki kitaab.
No comments:
Post a Comment