Mujhe Khud Se Hain ShikayteiN, Mujhe Zindagi Se Gilaa NaheeN
Ke Jo Chaha Mene Woh Paa Liya, NaheeN Aisa Kuch Jo Mila NaheeN
Mere Aas Paas Hai Roshni, Mere Raaston Mein Chirag Hain
Yeh Tere Karam Ka Hai Mojzaa, Meri Justuju Ka Silaa NaheeN
Teri Aankh Se Jo Haseen Ho, Woh Nigaah Jag Mein Bani NaheeN,
Tere Rukh Ko Jis Se Misaal Doon, Koi Aisa Phool Khilaa NaheeN,,
Yeh Jo Teri Zulf Ka Hai Haashia, Yeh Jo Tera Chehra Hai Khush’numa,
Koi Raat Aisi Siyaah NaheeN, Kisi Subaah Mein Ye Jala NaheeN...
Yeh Jo Mehr-O-Maa Ki Hain HaalteiN! Yeh Jo Aayino Ki Hain HairateiN
Hain Azzal Se Sab Yeh Isi Tarah, Koi Apni Jagha Se Hillaa NaheeN
No comments:
Post a Comment