Romantic Shayari-2

Kya hua agar dekh kar muh fer lete haiN,

Tasalli hai ki abhi shakl ki pehchan baaki hai...

Nasha hum karte haiN ilzam sharab ko diya jata hai

Par isme kusoor sharab ka nahiN unka hai,

Jinka chehra hameiN har jaam meiN nazar aata hai..

KhubiyaN itni to nahi hum meiN,

Ki kisi ke dil meiN ghar kar jayeinge,

Par bhoolna bhi aasaan nahi hoga,

Aisa zaroor kuch kar jaayeinge....

Lamhe ye suhane saath ho na ho,

Kal me aaj jaisi koi baat ho na ho,

Aapka pyaar hamesha is dil mei rahega,

Chahe poori umar mulaqat ho na ho..

Fiza me mehakti ek shaam ho tum,

Pyaar me chalakta ek jaam ho tum,

Sine me chupaye firte haiN hum yaad tumhari,

Meri zindagi ka dusara naam ho tum...

Apke aane se zindagi kitni khubsoorat hai,

Dil me basai hai jo wo apki hi surat hai,

Door jaana nahi humse kabhi bhulkar bhi,

Hume har qadam par aapki zarurat hai...