Ke zinda rehne ko koi to bahana chahiye...

Ke zinda rehne ko koi to bahana chahiye, 
Safar meiN guzri hai umar apni, ab ik thikhana chahiye,


Koi to ho jo in rasmoN se elaan-e-baghawat kare,
KaheeN to andhere meiN koi chiraag jalana chahiye,

Kabse viraan pada hai ye aaina – e – dil,
Sochta hoonN ab koi naya chehra sajana chahiye,

Bahot muddat se muntazir hai mere des ki matti,
Shayad ke ab mujhe laut ke ghar jana chahiye,

Mujhe fakat usi ke sath ki tamana thi waqas,
Magar use mere saath sath sara zamana chahiye,

                                ♥♥♥