Bahut pehle se un qadmo ki aahat jaan lete haiN
Tujhe aiye zindagi hum door se pehchaan lete haiN
Tabiyat apni ghabraati hai jab sunsaan ratoN me
Hum aise me teri yadoN ki chaadar taan lete haiN
Meri nazreiN to aise qafiroN ka jaan-o-imaaN haiN
NigaaheiN milte hi jo jaan aur imaan lete haiN
"Firaq" aksar badal kar bhesh milta hai koi qaatil
Kabhi hum jaan lete haiN kabhi pehchaan lete haiN.
Firaq Gorakhpuri
No comments:
Post a Comment