Kangan Bele Ka
Usne Mere Haath Me Baandha
Ujla Kangan Bele Ka
Pehle Pyaar Se Thami Kalaai
Baad Uske Hole Hole Pehnaaya
Gehna PhooloN Ka
Phir Jhuk Kar Haath Ko Choom Liya!
Phool To Aakhir Phool Hi The
Murjhaa Hi Gaye
Lekin Meri RaateiN Un Ki Khushboo Se Ab Tak Roshan HaiN
BaanhoN Par Wo Lams Abhi Tak Taza Hai
Shaakh-E-Sanobar Par Ik Chaand Damakta Hai!
Phool Ka Gehna
Prem Ka Kangan
Pyaar Ka Bandhan
Ab Tak Mere Yaad Ke Haath Lipta Hua Hai!
Parveen Shakir
No comments:
Post a Comment