Jo Kho Jaata Hai Milkar Zindagi Me--Nida Fazli Ghazal

Jo Kho Jaata Hai Milkar Zindagi Me
Gazal Hai Naam Uska Shayari Me,

Nikal Aate HaiN Aansoo Haste Haste
Ye Kis Gham Ki Kasak Hai Har Khushi Me,

Kahi AankheiN,KahiN Chehra,KahiN Lab
Hamesha Ek Milta Hai Kaii Me,

Chamakti Hai Andhero Mai Khamoshi
Sitare Tut-Te Hai Raat Hee Me,

Gujar Jaati Hai Yoon Hee Umar Saari
Kisi Ko Dhudhte HaiN Hum Kisi Me,

Sulagti Ret Me Paani Kahan Thaa
Koi Baadal Chhupa Tha Tisanagi Me,

Bahut Mushkil Hai Banjaraa Mijazi
Salika Chahiyen Aawargi Me…