Log toot jaate haiN, ek ghar banaane meiN--- Bashir Badr

Log toot jaate haiN, ek ghar banaane meiN
Tum taras nahiN khaate, bastiyaaN jalaane meiN

 

Aur jaam tooteinge, is sharaabkhaane meiN
MausmoN ke aane meiN, mausmoN ke jaane meiN

 

Har dhadakte patthar ko, log dil samajhte haiN
Umar beet jaati haiN, dil ko dil banaane meiN 

 

Fakhtaa ki majboori, ye bhi keh nahiN sakti
Kaun saanp rakhta haiN, uske aashiyane meiN

 

Doosri koi ladki, zinadgi meiN aayegi
kitni der lagti haiN, usko bhool jane meiN

 

                                                            Bashir Badr