Momin Khan Momin Ghazal Sung By Ghulam Ali

Wo Jo Hum MeiN Tum MeiN Qaraar Tha, Tumhe Yaad Ho Ke Naa Yaad Ho
Wohi Yaani Waada Nibaah Kaa, Tumhe Yaad Ho Ke Naa Yaad Ho

Wo Jo Lutf Mujh Pe The Beshtar, Wo Karam Ke Tha Mere Haal Par
Mujhe Sab Hai Yaad Zaraa Zaraa, Tumhe Yaad Ho Ke Naa Yaad Ho

Wo Naye Gile, Wo ShikaayateiN, Woh Maze Maze Ki HiqaayateiN
Wo Har Ek Baat Par Roothnaa, Tumhe Yaad Ho Ke Naa Yaad Ho


Kabhi Hum MeiN Tum MeiN Bhi Chaah Thi, Kabhi Hum Se Tum Se Bhi Raah Thi
Kabhi Hum Bhi Tum Se The Ashana, TumheiN Yaad Ho Ke Naa Yaad Ho


Jise Aap Kehte The Baawafaa, Jise Aap Ginate The Ashana
MaiN Wahi huu ‘momin-e-mubatala’, TumheiN Yaad Ho Ke Naa Yaad Ho


                                                                                                 Momin Khan Momin