MuhabbatoN meiN dikhawe ki dosti na mila
Agar gale nahiN milta to haath bhi na mila
GharoN pe naam the, naamoN ke saath ohde the
Bahut talaash kiya koi aadmi na mila
Tamaam rishtoN ko maiN ghar pe chhod aaya tha
Phir uske baad mujhe koi ajnabi na mila
Khuda ki itni badi kaaynat meiN maine
Bas ek shakhs ko maanga mujhe wohi na mila
Bahut ajeeb hai ye qurbatoN ki doori bhi
Wo mere saath raha aur mujhe kabhi na mila
Bashir Badr
No comments:
Post a Comment