Tu Kisi Aur Ki Jageer Hai Aiye Jaan-e-gazal
Log Tufaan Utha Deinge Mere Saath Na Chal
Pehele Haq Tha Teri Chahat Ke Chaman Par Mera
Pehele Haq Tha Teri Khushbu-e-badan Par Mera
Ab Mera Pyaar Tere Pyaar Ka Haqdar Nahi
MaiN Tere Gesu-o-rukhsar Ka Haqdar Nahi
Ab Kisi Aur Ke Shano Pe Hai Tera Aanchal
Log Tufaan Utha Denge Mere Saath Na Chal…….
MaiN Tere Pyaar Se Ghar Apna BasauN Kaise
MaiN Teri Maang SitaroN Se SajauN Kaise
Meri Kismat MeiN Nahi Pyaar Ki Khushboo Shayad
Mere HaathoN Ki LakeeroN MeiN Nahi Tu Shayad
Apni Taqdeer Bana Mera Muqaddar Na Badal
Log Tufaan Utha Deinge Mere Saath Na Chal
Mujhse KehtiiN HaiN Ye Khamosh NigaheiN Teri
Meri Parvaaz Se Oonchi HaiN PanaaheiN Teri
Aur Gairat-e-ehsaas Pe Sharminda HooN
Ab Kisi Aur Ki BahoN MeiN HaiN BaheiN Teri
Ab Kahan Mera Thikana Hai KahaN Tera Mahal
Log Tufaan Utha Deinge Mere Saath Na Chal.
No comments:
Post a Comment