Muhabbat karne waale kam na honge - Mehdi hassan

Muhabbat karne waale kam na honge

Teri mehfil meiN lekin hum na honge,

 

 

Zamaane bhar ke gham yaa ik teraa gham
 Ye gham hogaa to kitne gham na honge,
 

 

 DiloN kii ulajhaneiN badhti raheingi
 Agar kuchh mashvare baaham na honge,

Agar tu ittifaaqan mil bhi jaaye

Terii furqat ke sadameiN kam na honge,

 

 

‘Hafeez’ unse maiN jitnaa bad-gumaaN hooN
 Wo mujhse is qadar barham na honge,

 

 

                 Hafeez Hoshiarpuri