Rang baateiN kareiN, aur baatoN se khushboo aaye,
Dard phooloN ki tarah mahke, agar tu aaye,
Bheeg jatiN haiN is ummeed pe aankheiN har shaam,
Shaayad is raat, wo mehtaab lab-e-ju aaye,
Hum teri yaad se katara ke guzar jaate, magar,
Raah meiN phooloN ke lab, saayoN ke gesu aaye,
Aajmaaish ki ghadi se guzar aaye to 'ziya',
Jashn-e-gamdari hua, aankh meiN aansoo aaye...
No comments:
Post a Comment