Tumko hum dil meiN basa leinge tum aao to sahi
Sari duniya se chhupa leinge tum aao to sahi
Ek wada karo ab humse na bichhdo ge kabhi
Naaz hum sare utha leinge tum aao to sahi
Ikhtilafat bhi mit jayeinge rafta rafta
Jis trha hoga nibha leinge tum aao to sahi
YuuN to jis simt nazar uthaate haiN tareeki hai
Pyaar ke deep jalaa leinge tum aao to sahi
Dil ki veerano se ghabara ke na mu ko moDo
Bazm ye phir se saja leinge, tum aao to sahi.
No comments:
Post a Comment