Jab pyaar nahiN hai to bhula kyuN nahiN dete?
Khat kisliye rakhe haiN jala kyuN nahiN dete1?
Kis vaste likha hai hatheli pe mera naam,
MaiN harf galat hooN to mita kyuN nahin dete?
Lillaah shab-o-roz ki uljhan se nikalo,
Tum mere nahiN ho to bata kyuN nahiN dete?
Reh reh ke na tadpaao aiye bedard maseeha,
HaathoN se mujhe zehar pila kyuN nahiN dete?
Jab iski wafaaoN pe yakeeN tumko nahiN hai,
'Hasrat' ko nigaahoN se gira kyuN nahiN dete?
Hasrat Jaipuri
No comments:
Post a Comment