Mere jaise ban jaoge jab ishq tumhe ho jaayega
DiwaroN se takraaoge jab ishq tumhe ho jaayega
Har baat gawaara kar loge mannat bhi ukara loge
TabeejeiN bhi bandhwaaoge jab ishq tumhe ho jaayega
Tanhaayee ke jhoole jhoologe har baat puraani bhoologe
Aayine se ghabraoge jab ishq tumhe ho jaayega
Jab sooraj bhi kho jaayega aur chaand kahiN so jaayega
Tum bhi ghar der se aaoge jab ishq tumhe ho jaayega
Bechaini jab badh jaayegi aur yaad kisi ki aayegi
Tum meri ghazaleiN gaoge jab ishq tumhe ho jaayega.
No comments:
Post a Comment