Apne dil ko donoN aalam se utha sakta hooN maiN
Kya Samajhti ho ki tumko bhi bhula sakta hooN maiN
Kaun tumse chheen sakta hai mujhe, kya wahem hai
Khud julekha se bhi to daaman bacha sakta hooN maiN
Dil meiN tum paida karo pehle meri si jurrateiN
Aur phir dekho ki tumko kya bana sakta hooN maiN
Dafan kar sakta hooN maiN sine meiN tumhare raaz ko,
Aur tum chaaho to afsaana bana sakta hooN maiN
Tum samajhti ho ki haiN parde bahot se darmiyaaN,
MaiN ye kehta hooN ki har parda utha sakta hooN maiN,
Tum ki ban sakti ho har mehfil meiN firdaus-e-nazar,
Mujhko ye dawa ki har mehfil pe chhaa sakta hooN maiN.
No comments:
Post a Comment