Best Urdu Ghazal-Mirza Ghalib

 

 

Ye Hum Jo Hijra Me Deewar-O-Dar Ko Dekhte HaiN
Kabhi Saba Ko Kabhi Namabar Ko Dekhte HaiN,

Nazar Lage Na KahiN Us Ke Dast-O-Zaboo Ko
Yeh Log KiyuN Mere Zakhm-E-Jigar Ko Dekhte HaiN,

Wo Aaye Ghar Me Humare Khuda Ki Qudrat Hai
Kabhi Hum Unko Kabhi Apne Ghar Ko Dekhte HaiN,

Tere Jawahir-E-Taraf-E-Kala Ko Kya DekheiN
Hum Uuj-E-Talaa-E-Laal-O-Gohar Ko Dekhte HaiN.