Gham hai ya khushi hai tu_Nasir Kazmi Romantic Ghazal

Aaj un rastoN pe tanhai ki dhool udti hai

Jo tere naqsh-e-kaf-e-pa se saja karte the,

Gham hai ya khushi hai tu

Meri zindagi hai tu,

AafatoN ke daur meiN

Chain ki ghadi hai tu,

Meri raat ka chirag

Meri neend bhi hai tu,

MaiN khizaaN ki shaam hooN

Rut bahaar ki hai tu,

DostoN ke darmiyaaN

Vajh-e-dostii hai tu,

Meri saari umr meiN

Ek hi kami hai tu,

MaiN to Wo nahiN raha

HaaN! Magar wohi hai tu,

 “Nasir” is dayaar meiN

Kitna ajnabi hai tu.