Wo apne chehre meiN, Sau aaftaab rakhte haiN
Isi liye to wo rukh pe naqaab rakhte haiN
Wo paas baithe to aati hai dilruba khushboo
Wo apne honthoN pe khilta gulaab rakhte haiN
Har ik warq meiN tum hi tum ho jaan-e-mehboobi
Hum apne dil ki kuch aisi kitaab rakhte haiN
Jahan-e-ishq meiN Sohni kahiN dikhayee de
Hum apni aankh meiN kitne Chenaab rakhte haiN.
No comments:
Post a Comment