Ghazal By Rahat Indori

Har ek chehre ko zakhmoN ka aina na kaho
Ye zindagi to hai rehmat ise saza na kaho

Na jaane kaun si majaburiyoN ka qaidi ho
Wo saath chhor gaya hai to bewafa na kaho

Tamaam shahar ne nezoN pe kyuN uchaala mujhe
Ye ittefaaq tha tum is ko hadasa na kaho

Ye aur baat ke dushman hua hai aj magar
Wo mera dost tha kal tak use bura na kaho

Humare aib hume ungaliyon pe ginwao
Humari peeth ke piche hume bura na kaho

MaiN waqiyat ki zanjir ka nahi qayal
Mujhe bhi apane gunahoN ka silsila na kaho

Ye shahar wo hai jahaN rakshhas bhi hai
Har ek tarashe huye but ko dewata na kaho.