Farz karo hum ahl-e-wafa hoN, farz karo deewaane hoN,
Farz karo ye dono baateiN jhooti hoN, afsaane hoN
Farz karo ye nain tumhare, sach much ke meh-khane hoN,
Farz karo tumheiN khush karne ke dhoondhe humne bahane hoN
Farz karo ye jee ki bipta jee se jor sunai ho
Farz karo abhi aur ho itni, aadhi humne chhupai ho
Farz karo ye jog be-jog ka, dhong hi humne rachaya ho,
Farz karo bas yahi haqeeqat, baaqi sab kuch maya ho
Farz karo ye rog ho jhoota, jhooti peet humari ho,
Farz karo is peet ke rog me saans bhi humpe bhari ho.
Ibn-e-Insha
No comments:
Post a Comment