Ye dil ye pagal dil mera kyoN bujh gaya "AWARGI"
Is dasht meiN ik shahar tha wo kya hua "AWARGI"
Kal shab mujhe be-shakl si aawaaz ne chaunka diya
MaiN ne kaha tu kaun hai usne kahaa "AWARGI"
Ik tu ke sadiyonNse mere, Humraah bhi Humraaz bhi
Ik maiN ke tere naam se na aashna "AWARGI"
Ik ajnabi jhonke ne jab puchha mere gham ka sabab
Sehara ki bheegi ret par maiN ne likha "AWARGI"
Ye dard ki tanhaiyaN,ye dasht ka viraaN safar
Hum log to ukta gaye apni suna "AWARGI"
Kal raat tanha chand ko, dekha tha maine khwaab me
'Mohsin' mujhe raas ayegi shaayad sada "AWARGI".
No comments:
Post a Comment