Pukarti hai meri khamoshi meri phugaaN ki tarah,
NigaaheiN kehti haiN sab raz-e-dil zabaaN ki tarah,
Jala ke daagh-e-muhabbat ne dil ko khaak kiya,
Bahar aai mere baagh meiN khizaaN ki tarah,
Talash-e-yaar meiN chhodi na sar zameeN koi,
Humare paanw meiN chakkar hai aasmaaN ki tarah,
Chhuda kaid se aiye kaid hum aseeroN ko,
Laga de aag chaman meiN bhi aashiyaaN ki tarah,
Hum apne zof ke sadqe bitha diya aisa,
Hile na dar se tere sang-e-aastaaN ki tarah.
Lyrics: Dagh Dehalvi
Singer: Ghulam Ali
No comments:
Post a Comment