Laayi hayaat aaye,qaza le chali chale,
Apni khushi na aaye, na apni khushi chale,
Behtar to hai yehi ke duniya se dil lage,
Par kya kareiN jo kaam na bedillagi chale,
Ho umr-e-khizr bhi to kahenge bawaqt-e-marg,
Hum kya rahe yahaaN abhi aaye abhi chale,
Duniya ne kiska raah-e-fana meiN diya hai saath,
Tum bhi chale chalo yuuN hi jab tak chali chale,
NaazaaN na ho khirad pe, jo hona hai wo hi ho,
Daanish teri na kuchh meri daanishwari chale,
Kam honge is bisaat pe hum jaise badkimaar,
Jo chaal hum chale nihaayat buri chale,
Jaate haway-e-shauq meiN haiN is chaman se "Zauq",
Apni bala se baad-e-saba kahiN chale.
No comments:
Post a Comment