Baad muddat unheiN dekh kar yooN laga
Jaise betaab dil ko qaraar aa gaya,
Aarzoo ke gul muskuraane lage
Jaise gulshan meiN bahaar aa gaya,
Tishna nazreiN mili shokh nazroN se jab
MaiN barasne lagi jaam bharne lage,
Saaqiyaa aaj teri zaroorat nahiN
Bin piyee bin pilaaye khumaar aa gaya,
Raat sone lagi subah hone lagi
Shamma bujhne lagi dil machalne lage,
Waqt ki roshni meiN nahaayi huyi
Zindagi pe ajab sa nikhar aa gaya.
No comments:
Post a Comment