Kamaal-e-ishq hai diivaanaa ho gayaa hooN maiN,
Ye kis ke haath se daaman chhu.Daa rahaa hooN maiN
TumhiN to ho jise kehati hai naa Khudaa duniya,
Bacha sako to bacha lo ki Doobta hooN maiN
Ye mere ishq ki majaburiyaN maaz-allaah,
Tumhara raaz tumhiN se chhupa raha hooN maiN
Is ik hijaab pe sau be-hijaabiyaa.N sadaqe,
JahaN se chaahata hooN tumko dekhta hooN maiN
Bataane vaale vahiN par bataate haiN manzil,
Hazaar baar jahaaN se guzar chukaa hooN maiN
Kabhi ye zom ki tu mujhse chhup nahiN sakata,
Kabhi ye vaham ki Khud bhii chhupaa huaa hooN maiN
Mujhe sune na koi mast-e-baadaa-e-isharat,
'Majaz' TuuTe huye dil kii ik sadaa hooN maiN.
MAJAZ LUCKNAWI
.png)
No comments:
Post a Comment