HothoN pe mohabbat ke fasaane nahiN aate

HothoN pe mohabbat ke fasaane nahiN aate
Sahil pe samandar ke khazaane nahiN aate

 

PalkeiN bhi chamak uthti haiN sote meiN humaari
AankhoN ko abhi khwab chhupane nahiN aate

 

Dil ujdi hui ek saraye ki tarah hai
Ab log yahaaN raat jagane nahiN aate

 

Udne do parindoN ko abhi shokh hawa meiN
Phir laut key bachpan key zamane nahiN aate

 

Is shehr key baadal teri zulfon ki tarah haiN
Ye aag lagate heiN bujhane nahiN aate

 

Kya soch ke aaye ho mohabbat ki gali me
Jab naaz hasino ke uthaane nahi aate

 

Ehbaab bhi GhairoN ki ada seekh gaye haiN
Aate haiN magar dil ko dukhane nahiN aate
 

                                                     Bashir Badr