Parakhna mat parakhne meiN koi apna nahiN rehta

Parakhna mat parakhne meiN koi apna nahiN rehta
Kisi bhi aaine meiN der tak chehra nahiN rehta

 

Bade logoN se milne meiN hamesha faslaa rakhna
JahaaN dariya samandar me mile dariya nahiN rehta

 

HazaaroN sher mere so gaye kaghaz ki qabroN meiN
Ajab maaN hooN koi bachcha mera zinda nahiN rehta

 

Tumhara shehr to bilkul naye andaz wala hai
Humare shehr meiN bhi koi humsa nahiN rehta

 

Muhabbat ek khushboo hai hamesha saath chalti hai
Koi insaan tanhai meiN bhi tanha nahiN rehta

 

Koi badal hare mausam ka phelaan karta hai
Khiza ke baag me jab ek bhi patta nahi rehta

                                                              Bashir Badr